1. Bosh sahifa
2. Yangiliklar

FARG’ONADA SPORTNING “KAMONDAN OTISH” TURI BO’YICHA QO’RIQLASH BOSHQARMASI BOSHLIG’I KUBOGI  MUSOBAQASI O’TKAZILDI 

×

Yurtimizda aholi ayniqsa, yoshlar o’rtasida sog’lom turmush tarzini targ’ib qilish, ular o’rtasida sportni ommalashtirish maqsadida, mutazam ravishda qator sport to’garaklari, sektsiyalar va musobaqalar tashkil etib kelinmoqda.

O’zbekiston Respublikasi Prezidentining “Kamondan otish sport turini yanada rivojlantirish va ommalarshtirish chora-tadbirlari to’g’risida”gi Qaroriga asosan kamondan otish sport turini aholi ayniqsa, yoshlar o’rtasida targ’ib qilish va ularga ushbu sport turi bilan shug’illanishlariga shart-sharoitlar yaratilishi bo’yicha aniq vazifalar belgilab berildi. Endilikda bu sport turini yanada rivojlantirilishiga O’zbekiston Respublikasi Milliy gvardiyasi yaqindan ko’maklashadi. Farg’ona shahrida Farg’ona viloyati Qo’riqlash boshqarmasi, Viloyat hokimligi va Farg’ona harbiy prokuraturasi bilan hamkorlikda sportning “Kamondan otish turi bo’yicha” o’smir yoshlar o’rtasida o’tkazilgan Qo’riqlash boshqarmasi boshlig’i kubogi musobaqasi bunga yaqqol misol bo’la oladi.

Musobaqa avvalida, yosh sportchilarning ko’rgazmali chiqishlari hamda hushovoz xonandalarning kuy-qo’shiqlari yig’ilganlarga hush kayfiyat bag’ishladi.  

Mazkur musobaqada 100 ga yaqin sportchi yoshlar, 50 metr yo’nalishda, olimpik raund yo’nalishda, miks yo’nalishda hamda jamoa birinchiligi yo’nalishlarida o’z imkoniyatlarini sinab ko’rishdi. Musobaqa  so’ngida tashkilotchilar tomonidan g’olib va faol jamoalar munosib rag’batlantirilib, jahon arenalarida fahrli o’rinlarni egallashlarida ulkan zafarlar tilandi.  Bu kabi sport tadbirlari milliy qadriyatlarimizni tiklanishiga va yoshlar qalbida vatanparvarlik xissini yanada kuchaytirishga xizmat qiladi.

Bizni ijtimoiy tarmoqlarda kuzating
Facebook | Telegram | Youtube