Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
ФЕРМЕРЛАР МУРОЖААТИ ЎРГАНИЛДИ.
2021-03-23 18:49:45 706
Сўнгги кунларда оммавий ахборот воситалари ҳамда ижтимоий тармоқлар орқали Қува туманидаги фермер хўжаликларининг экспорт шартномалари дебитор қарздорликлари масаласи юзасидан чоп этилаётган мақолалар кўплаб муҳокамаларга сабаб бўлди. Жумладан “Фарғона ҳақиқати” газетасининг 2021 йил 9 февраль кунги №13-сонида “Қува тумани сектор раҳбарларидан қолган муаммоларни ким ҳал этади?!” сарлавҳаси остида чоп этилган мақола юзасидан туман ҳокими раҳбарлигида тегишли масъулларни жалб этган ҳолда ўрганишлар олиб борилди.
Ўрганиш давомида, фермер хўжаликлари томонидан 2101,1 минг АҚШ долларлик қишлоқ хўжалиги маҳсулотлари экспорти амалга оширилганлиги, экспорт шартномасига кўра импортёр корхона томонидан белгиланган муддатда фермер хўжаликларининг банкдаги ҳисоб рақамларига пул келиб тушмаганлигини натижасида дебитор қарздорлик юзага келганлиги аниқланди.
Шунингдек, туман хокимлиги, туман давлат солиқ инспекцияси, вилоят давлат божхона бошқармаси мутахассислари ҳамда бир нечта фермер хўжаликлари рахбарлари томонидан дебитор қарздорликларни сўндириш ишлари амалга оширилди.
Хусусан, тумандаги “Анор ўрик гуллари” фермер хўжалиги (92 192,5 доллар), “Фазлиддин Озодбек мевалари” фермер хўжалиги (166 214,52 доллар), “Хакимжон” фермер хўжалиги (153 992,04 доллар), “Собиров Умиджон Толипович” фермер хўжалиги (212 804,12 доллар) ва “Асқаржон Ўлмасой” фермер хўжалигининг (149 602,07 доллар) дебитор қарздорликлари қопланиб, қолган фермер хўжаликларининг дебитор қарздорликларини сўндириш бўйича туман ҳокимлиги томонидан тегишли тартибда ишлар амалга оширилмоқда.
Қува туман ҳокимлиги
Ахборот хизмати
