Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
QUTLUG’ MAQOM SOHIBALARIGA YUKSAK EHTIROM KO’RSATILDI
2021-05-22 16:13:25 776
Farg’ona viloyati hokimi tashabbusi bilan boshlanib, bugun butun viloyatda keng nishonlanayotgan “Onalarga ehtirom” festivali bu qutlug’ maqom egasi bo’lgan aziz onalarimizga xalqimizning yuksak mehri va e'tibori ramzi sifatida o’zgacha shukuh bilan davom etmoqda.
Quva tumanidagi Axmad Al-Farg’oniy majmuasida o’tkazilgan “Onalarga extirom” festivalining tuman bosqichida maxalla fuqarolar yig’inlarida 200 ga yaqin onaxonlar ishtirok etdi.
Shuningdek bayram tadbirida insoniy fazilatlari, samarali mehnat faoliyati, oilada farzandlar tarbiyasidagi ibrati bilan el nazariga tushgan onalarga tuman hokimligining tashakkurnomasi va esdalik sovg’alari topshirildi, ehtirom gullari ulashildi.
Tuman madaniyat bo’limining el nazariga tushgan san'atkorlari, kasb-hunar maktabining ijodkor o’qituvchi va o’quvchilari, maktabgacha ta'lim tashkilotlarining havaskor jamoalari tomonidan onalarga ehtirom ramzi sifatida tayyorlangan adabiy-badiiy dastur taqdim qilindi.
Onalarni ulug’lash va sharaflash, ularga ehtirom ko’rsatish, qutlov sovg’alarini ulashish imkonini berayotgan, bu kabi ishlarni ezgu an'anaga aylantirayotgan fetsival tumanimizdagi mahallalar va qishloqlar, korxona, tashkilot va muassasalarda davom etmoqda.
Bizni ijtimoiy tarmoqlarda kuzating
Facebook |
Telegram |
Youtube
